May kumakalat na balita ngayon sa social media na hanggang December 2020 pa raw ipagbabawal ang sabong dahil sa Covid 19. Sa madaling sali...
Maliban dito, may kumakalat din na balita na hanggang June lang daw ipagbabawal ang sabong. Nilinaw ng isa na may kuneksyon sa Sabong Nation na wala silang inaanunsyo na sa sa Hunyo pa magbabalik ang sabong. Fake news lang diumano ito.
Pero kailan ba talaga ibabalik ang sabong? Sa aming palagay, walang kasigurahan kung kailan maibabalik ang sabong. Kahit matapos pa ang quarantine. Malamang ipagbababawal pa rin ang mass gathering hangga't di natatapos ang problema o di-kaya 'di pa bumababa nang husto ang Covid 19 cases sa bansa.
Matatandaang kamakailan lang ay tinamaan ng Covid ang isang sabungan sa Davao kung saan kabilang sa nasawi ang promoter nito. Kaya't delikado talaga kung maibabalik agad ang sabong sa bansa dahil na rin mabilis itong makahawa. Nakalulungkot nga lang isipin na may mga sabungero na sadyang matitigas ang ulo. Nagsasabong (tupada) pa rin kahit lockdown pa dahil na rin sa kasabikan nila sa sabong! May mga nakulong na nga dahil dito.
Siguradong miss n'yo na rin ang sabong, pero talagang wala pang katiyakan kung kailan ito maibabalik. Tiis-tiis muna mga kasabong kahit alam nating kating-kati na ang bawat isa sa atin.
Ingat mga kasabong lalo na't 'di natin nakikita ang ating kalaban. Makuntento muna sa pag-aalaga ng manok saka na ang laban.
COMMENTS