Pulis na Nasa Loob ng Sabungan, Sinibak sa Puwesto

                                        Inaresto ang Deputy Chief of Police na si SPO4 Arnold Doria ng Bantay Police Station habang naak...

                          

             Inaresto ang Deputy Chief of Police na si SPO4 Arnold Doria ng Bantay Police Station habang naaktuhan ito na nasa loob ng Caoayan Cockpit, Ilocos Sur.

            Ayon sa ulat, mismong intelligent officer ng provincial office ang umaresto kay Doria. May nag-text diumano na informant sa provincial office na nakita ito sa loob ng sabungan.

            Tanghali at naka-off duty si Doria nang makita ito sa sabungan.  Ikinatuwiran diumano nito na nanunood lang siya ng sabong.

            Isinasaad sa Napolcom Memorandum Circular na bawal sumali o pumunta ang kapulisan sa anumang uri ng pasugalan. Kung sakali namang magbabantay man sila sa establisyimento, kailangan pa rin nilang kumuha ng clearance.

            Sinibak na sa puwesto si Doria at inilipat muna sa regional headquarter habang gumugulong pa ang imbestigasyon. Maaari itong maharap sa kasong adminsitratibo at matanggalan ng benepisyo.

Panoorin ang video: