Dati-rati ang sabong ay itinuturing na panlalaking isport dahil madugo ito. Pero sa pagdaan ng panaho...
Dati-rati ang sabong ay itinuturing na panlalaking isport dahil madugo ito. Pero sa pagdaan ng panahon, may mga babae na ring nagmamanok o nagsasabong. Natuklasan kasi nila na isa itong magandang dibersiyon. ‘Di na nakapagtataka kung may makita kang babaeng nagbibitaw ng manok sa ruweda.
Pero sa paningin ng mga ‘di nakaiintindi sa sabong, masama ang persepsyon nila rito dahil itinuturing lang nila ito bilang isang sugal at ‘di ito lehitimong isport. Lalo na kapag ang nagsasabong ay babae ay kung anu-ano ang maririnig mo mula sa kanila.
Isang sabungera na nagngangalang Donna Santos ng EV Favia Gamefarm na nakabase sa Cagayan de Oro ang nag-post ng kanyang mga negatibong komento mula sa mga kritiko ng sabong. Gaya nang isa raw siyang sugrol at walang kinabukasan sa ginagawa niya. Pati ba naman daw ang pagmamanok ay kinarir pa niya. Mauubos lang ang kanyang pera sa kapupusta.
Pero para kay Donna, wala namang kaso kung lalaki o babae ang nagmamanok. Dahil kahit sino naman ay puwedeng mag-alaga ng manok-panabong lalo na’t kung hilig mo talaga ito. Oo nga’t nagsusugal ka dahil gusto mong manalo, pero depende na rin sa tao kung paano nito kukontrolin ang sarili.
Para sa kanya, ang sabungan ay isang lugar kung saan lahat ng klase ng manok ay puwedeng isabong. Wala itong pinagkaiba sa ibang isport.
Alam ni Donna na ‘di tanggap ng iba na ‘yung perang naiipon niya ay ipinampupusta lang. Pero masaya siya rito, manalo man o matalo ay bahagi lang ito ng laro. Ang mahalaga, nalilibang siya. Ang pagmamanok ay isa ng passion at kaligayahan para gaya niya.
Idinagdag pa niya na ang mga alagang manok ay loyal dahil handa ka nilang ipaglaban.
COMMENTS