Bagama't lumisan na ang isang tao nananatili pa rin itong buhay sa pamamagitan ng mga alaala niyang iniwan. Lalo na't nagin...
Bagama't lumisan na ang isang tao nananatili pa rin itong buhay sa pamamagitan ng mga alaala niyang iniwan. Lalo na't naging mahalaga ang ambag nito sa lipunan.
Isang taon na rin ang lumipas nang lumisan si Doc Teddy Tanchaco dahil sa road rage. Siyempre, sariwang-sariwa pa ang pangyayari kumbaga.
Si Doc Teddy ang naging tagapagtatag ng TJT Cocking Academy sa Cavite noong 2004. Libong estudyante na ang dumaan sa kanyang pagtuturo. Umabot sa batch 162 ang kanyang naging eskuwelahan.
Marami sa mga ito ang nagtsa-champion na sa mga derby na kanilang sinasalihan at mayroon na ring nagtuturo na sa pagmamanok gamit ang mga natutunan kay Doc Teddy. Isa sa mga nagtuturo na ngayon ay si Makuri Makuru o Rafael Lising, batch 115. Si Doc Teddy diumano ang naging adviser niya at inspirasyon sa pagmamanok.
 |
| Makuri at Doc Teddy |
 |
| Libro ni Doc Teddy na may pirma niya |
Hindi lamang ang mga naging estudyante niya ang natuto sa kanya kundi ang lahat ng mga manunuod ng programang Sabong Nation. Ito ay sa pamamagitan ng kanyang segment kung saan siya marami-rami rin siyang naibigay na mga tips.
Dahil sa naging ambag niya sa industriya ay masasabing isang napakalaking kawalan siya sa sabong. Ngunit meron naman siyang iniwan sa atin, ito ay ang librong kanyang naisulat (On Gamecock Conditioning) at naprodyus na DVD hinggil sa pagmamanok.
Hindi lamang mahusay na maestro si Doc Teddy kundi isa ring mabuting kaibigan ayon sa mga nakakilala sa kanya ng personal. Kaya't nalungkot talaga sila nang siya ay nawala.
Ang magandang balita, base sa post ng TJT Cocking Academy Fb page na pamilya na ni Doc Teddy ang may hawak, malapit na nilang makamtam ang katarungan. Ibig sabihin, malapit nang pagbayaran ng mga taong naging dahilan nang kanyang kamatayan.
Ikaw kasabong, naaala mo pa rin ba si Doc Teddy?
COMMENTS