Basta sabungero asahan mo na matindi ang pagmamahal niyan sa mga manok. Kuntodo alaga kasi, lahat nang pangangailangan ibinibigay nila. N...
Basta sabungero asahan mo na matindi ang pagmamahal niyan sa mga manok. Kuntodo alaga kasi, lahat nang pangangailangan ibinibigay nila. Nariyan ang feeds, vitamins at kung anu-ano pa. Kaya nga nagseselos na ang ibang mga anak dahil mas binibigyan pa ng atensyon ang mga manok kaysa kanila.
 |
| Larawan mula sa Fb ni Nicole Evangelista |
Kamakailan nga lang ay umingay ang pangalan ng 21-taong gulang na si Nichole Evangelista o Nikki dahil namigay siya ng mga manok sa mga taong nagugutom sa kanilang barangay. Marami ang nagtatanong kung ano ba ang naging reaksyon ng daddy niya hinggil dito dahil sa kanya ang mga manok na naipamigay.
Ayon kay Rommel Evangelista, daddy ni Nicole at kasalukuyang nasa Italy, hindi niya alam kung matatawa o maiiyak siya. Araw-araw kasi kung kumustahin niya ang kanyang mga manok kung napapakain sila. Masarap daw ang kinakain ng mga manok kaya't siguradong masarap din ito kung kakainin.
Natutuwa raw siya sa ginawa ng anak niya at sumasaludo siya rito dahil tumulong ito sa panahon na marami ang nangangailangan. Hinihimok niya rin ang iba na tumulong kahit sa munti nilang kaparaanan.
Sa mga kasabong na naiinis sa ginawa ni Nichole, huwag na kayong mainis sa kanya. Aprub naman sa daddy niya ang kanyang ginawa. Huwag nang manghinayang sa mga manok-panabong na ipinamigay. Kesyo ipantutupada lang nang nabigyan. Yun nga ay kung sabungero nga ang nabigyan. Pero dahil may krisis nga mag-aalangan din ang mga ito na alagaan ang manok. Ibenta, pupuwede pa.
Baka kung sa iba ito nangyari, malamang katakot-takot na mura na ang aabutin ng anak. Baka sa sobrang sama ng loob ng ama ay di na pansinin ang anak o di kaya ay itakwil ito . Kaya saludo kami sa 'yo Sir Rommel sa pagiging maunawain mo at siyempre pa kay Nicole na may mabuting puso kahit medyo may pagkapangahas ang aksyon, hehe.
COMMENTS