Nene Abello, Pinag-iingat ang Mga Sabungero sa Namimeke ng Kanyang Fb Accounts

Screen shot from Nene Abello's Fb video post        Sa panahon ngayon ay talagang uso na ang pamimeke. Hindi lang fake news ang nagk...

Screen shot from Nene Abello's Fb video post

       Sa panahon ngayon ay talagang uso na ang pamimeke. Hindi lang fake news ang nagkalat kundi na rin ang pamimeke ng katauhan ng ibang tao o ang tinatawag na identity thief. Sila 'yung mga gumagamit ng pangalan ng iba para makapanloko. Kadalasang binibiktima nito ay ang mga sikat na personalidad gaya ng mga artista, pulitiko at iba pa. Pati sa mundo ng sabong ay 'di rin ligtas sa ganitong masamang gawain. Palibhasa ay alam nila na may pera sa sabong kaya sinasamantala ng mga gumagawa ng fake accounts.

       Marami nang mga breeder ang nabiktima ng pamimeke. Ilan lang sa ginawan na ng fake account ay pamosong breeder na si Bernie Tacoy ng Ormoc Gold Gamefarm. Balitang marami nang naloko ang nasa likod ng fake account ni Bernie. Bukod kay Bernie ay marami pang mga sikat na breeder ang ginawan na ng fake accounts ng mga bogus seller sa Facebook. Maging ang kilala ring breeder na si Nene Abello ay may gumawa rin ng fake account. Marami na diumanong nabiktima na buyer ng manok ang may-ari ng fake account ni Nene.

      Sa maiksing video na ipinaskil ni Nene sa kanyang Fb account, humihingi siya ng paumanhin sa mga nabiktima ng fake account na gumagamit ng kanyang pangalan. Pagkatapos nito ay sinabi niya ang kanyang totoong accounts. Ang kanyang personal account ay Rafael-  https://web.facebook.com/neneabellogamefarm habang ang kanya namang Fan Page Account ay Nene Abello Gamefarm- https://web.facebook.com/officialneneabellogamefarm.

Panoorin ang video: