May mga breeder na naghahalo ng katutubong manok sa Teksas o Western fowl. Wala naman daw kasing masama rito. Iba rin kasi a...
May mga breeder na naghahalo ng katutubong manok sa Teksas o Western fowl. Wala naman daw kasing masama rito. Iba rin kasi ang dating kapag nagtagumpay sila sa kanilang kumbinasyon. Mayroon na rin namang mga nagtagumpay sa ganitong sistema. Isa na r’yan si Bernie Tacoy ng Ormoc Gold Farm. Alam n’yo ba ang pinanggalingan ng kanyang Gold ay mayroong cross ng katutubong manok? Noong nagsisimula pa lang kasi siyang magmanok ay nakakuha siya ng native na inahin mula sa kanyang tiyuhin. Ipinares niya ito sa pure na Johnnie Jumper Kelso. Ang mga naprodyus niyang mga manok sa nasabing kumbinasyon ay sadyang magagaling dahil nanalo sa mga laban.
Bukod kay Bernie ay may mga narinig na rin tayong kuwento tungkol sa mga breeder na gumagamit ng katutubong manok bilang kanilang material. Aminado silang minamaliit sila ng kanilang kalaban. Pero nang manalo ang kanilang manok ay sumaludo sa kanila ang mga nangangantyaw sa kanila.
Pero hindi rin maiiwasan na ayaw mag-breed ng katutubong manok. Sa kanila kasing palagay, kahit ipares pa sila sa Western fowl ay naroon pa rin ang dugo ng pagiging takbuhin. Bakit pa raw nila kailangang mag-breed ng ganito eh ang dami namang mga manok na subok na? Kaya’t kung nabago mo ang katangian o nagpapanalo sa laban ang manok na nai-cross sa katutubong manok, ibig lang sabihin ay napakahusay mong breeder.
Kung sina Osang Dela Cruz at Charlie Cruz ng Candice Jean Gamefarm kaya ang tatanungin hinggil sa topic na ito, ano ang kanilang masasabi?
COMMENTS